بارباڈوس: (ویب ڈیسک) کیریبئن پریمیئر لیگ (سی پی ایل) میں شاندار کارکردگی کا مظاہرہ کرنے والے پاکستانی بیٹر صائم ایوب کی ایک مداح کا پوسٹر سوشل میڈیا پر خاصہ وائرل ہورہا ہے۔
گیانا ایمیزون واریئرز کی نمائندگی کرنے والے صائم ایوب نے ٹورنامنٹ میں اب تک لگاتار تین میچز میں نصف سنچریاں سکور کیں، صائم نے جمیکا تھلاواز کے خلاف نصف سنچری بنائی۔
اب قومی کرکٹر مسلسل تین ففٹیز کے بعد سی پی ایل کے ٹاپ سکورر بن گئے ہیں، 21 سالہ کرکٹر نے ٹورنامنٹ کی 8 اننگز میں 149.01 سٹرائیک ریٹ کے ساتھ 304 رنز بنائے ہیں۔
صائم کے مداح صرف پاکستان میں ہی نہیں بلکہ ویسٹ انڈیز میں بھی موجود ہیں جس کا اندازہ حال ہی میں سٹیڈیم میں بیٹھی خاتون کی وائرل تصویر سے لگایا جاسکتا ہے۔
— CricTracker (@Cricketracker) September 17, 2023
خاتون نے پوسٹر پر لکھا تھا کہ صائم ایوب! میں آپ کے لیے اپنے شوہر کو طلاق دے دوں گی ، وائرل پوسٹر پر صارفین کی جانب سے بھی دلچسپ تبصروں کا سلسلہ جاری ہے۔
