محمد رضوان اور جنوبی افریقا کے بولرمارکوجانسن میں تلخ جملوں کا تبادلہ،ویڈیو وائرل

Published On 27 October,2023 07:05 pm

چنئی: (ویب ڈیسک) آئی سی سی ورلڈکپ میں پاکستانی کیپر بلے باز محمد رضوان اور جنوبی افریقا کے بولر مارکو جانسن کے درمیان تلخ جملوں کے تبادلے کی ویڈیو سوشل میڈیا پر وائرل ہوگئی۔

رپورٹ کے مطابق چنئی کے چدم برم سٹیڈیم میں ہونیوالے میچ میں قومی ٹیم نے ابتدائی دو وکٹیں جلد گنوادی تھیں جبکہ رضوان اور بابراعظم کریز پر موجود تھے۔

اس دوران افریقی بولر مارکو جانسن نے رضوان کو شارٹ بال کی جس پر وکٹ کیپر بیٹر نے چوکا رسید کردیا، جس کے بعد جانسن نے رضوان کو کچھ تلخ الفاظ کہے جس پر جواباً رضوان نے جواب دیا۔

واضح رہے کہ وکٹ کیپر بیٹر محمد رضوان 27 گیندوں پر 4 چوکوں اور ایک چھکے کی مدد سے 31 بناکر آؤٹ ہوئے۔ 

Advertisement