لاہور: (دنیا نیوز) سابق آسٹریلوی کپتان رکی پونٹنگ نے چیمپئنز ٹرافی کے فائنل میں پہنچنے والی دو ٹیموں کے حوالے سے پیشگوئی کردی۔
رکی پونٹنگ نے آئی سی سی ریویو میں اظہار خیال کرتے ہوئےآسٹریلیا اور بھارت کے درمیان آئی سی سی چیمپئنز ٹرافی کا فائنل میچ ہونے کی پیشگوئی کی ہے لیکن ساتھ انہوں نے یہ بھی خبردار کیا ہے کہ پاکستانی ٹیم دونوں ٹیموں کے لیے چیلنج بنے گی۔
ان کا کہنا تھا کہ آسٹریلیا اور بھارت کی ٹیموں میں کوالٹی پلیئرز موجود ہیں، ان ٹیموں کی حالیہ تاریخ اور آئی سی سی ایونٹس میں کارکردگی سب کچھ واضح کرتی ہے۔
سابق آسٹریلوی کپتان نے کہا کہ بھارت اور آسٹریلیا کو فائنلسٹ ٹیموں کے لیے نظر انداز نہیں کیا جا سکتا، ایک اور ٹیم جو اس وقت کچھ اچھی کرکٹ کھیل رہی ہے وہ پاکستان ہے، ان کی ون ڈے کرکٹ کچھ عرصے سے شاندار ہے۔
رکی پونٹنگ کا مزید کہنا تھا کہ ہم جانتے ہیں بڑے ایونٹس میں پاکستان کے بارے میں زیادہ پیش گوئی نہیں کی جاسکتی لیکن لگتا ہے پاکستان کرکٹ میں بہت بہتری آئی ہے۔
