لاہور: (دنیا نیوز) آئی سی سی چیمپئنز ٹرافی ٹور کے دوسرے مرحلے کا آغاز ہو گیا۔
شیخوپورہ، فیصل آباد، ملتان، بہاولپور کے بعد اب لاہور میں چیمپئنز ٹرافی کی تقریب رونمائی کا سلسلہ شروع ہوگیا، پہلے دن گورنمنٹ گرلز کالج گلبرگ میں ٹرافی کی تقریب رونمائی ہوئی جہاں طالبات کا جوش و خروش قابل دید تھا، طالبات نے ٹرافی کے ساتھ خوب سیلفیاں بھی لیں۔
ٹرافی ٹور 14 فروری کو کراچی میں اختتام پذیر ہو گا، آئی سی سی چیمپئنز ٹرافی 2025 کا افتتاحی میچ میزبان پاکستان اور نیوزی لینڈ کے درمیان 19 فروری کو ہونا ہے، ٹرافی 8 فروری کو پاکستان اور نیوزی لینڈ کے درمیان سہ ملکی سیریز کے افتتاحی میچ کے دوران نئے اپ گریڈڈ قذافی سٹیڈیم لاہور میں بھی رکھی جائے گی۔
