لاہور: (دنیا نیوز) چیمپئنز ٹرافی 2017ء کی فاتح ٹیم کے کپتان سرفراز احمد نے کہا کہ 2017ء کی چیمپئنز ٹرافی کے فاتح لمحات الفاظ میں بیان نہیں کر سکتا۔
سابق کپتان سرفراز احمد نے تقریب میں گفتگو کرتے ہوئے کہا کہ ہم نے فائنل میں بھارت کو ہرایا جو بھلایا نہیں جا سکتا، جب واپس پہنچے تو ہر سطح پر لوگوں نے بہت بڑا استقبال کیا، چیمپئنز ٹرافی کیلئے کافی پرجوش ہیں، پاکستان کرکٹ ٹیم بہت مقبول ہے۔
سرفراز احمد نے مزید کہا کہ یہ ٹیم ایک لمحے میں گرتی ہے تو دوسرے لمحے میں کھڑی ہو جاتی ہے، نیوزی لینڈ کی ٹیم پاکستان میں اچھے ردھم میں ہے۔
ٹم ساؤتھی نے گفتگو کرتے ہوئے کہا کہ چیمپئنز ٹرافی میں کسی میچ کو آسان نہیں لیا جاسکتا، پاکستان میں کھیل کر بہت اچھا لگا ہے۔
