کراچی: (دنیا نیوز) کراچی میں کم عمر بچے بھی چوری کی وارداتوں میں ملوث ہونے لگے، پاپوش کے علاقے میں کم عمر بچے نے موٹر سائکل چوری کی واردات کر ڈالی جسکی فوٹیج منظر عام پر آ گئی۔
شہر قائد میں کم عمر بچےنے بڑی واردات کر دی، پاپوش میں کم عمر بچے کی موٹرسائیکل چوری کی واردات کی فوٹیج منظرعام پر آگئی۔ فوٹیج کے مطابق بچے کی عمر 13 سے 15سال کے درمیان کی معلوم ہوتی ہے، فوٹیج میں کم عمر بچے کو گلی کا جائزہ لیتے دیکھا جاسکتا ہے۔
بچہ فون پر بات کرنے کے بہانے موٹرسائیکل چیک کرتا رہا، اور بعد میں انتہائی مہارت سے موٹرسائیکل چوری کی، موٹرسائیکل چوری کرنے کے بعد بچہ موٹرسائیکل پیدل لے کر فرار ہو گیا۔
