کراچی: (دنیا نیوز) ضلع وسطی پولیس بلال کالونی تھانہ کی کارروائی کے دوران دہشتگردی میں ملوث 4 انتہائی مطلوب ملزمان کو گرفتار کر لیا گیا۔
ایس ایس پی سینٹرل کے مطابق ملزمان دہشتگردی، اسٹریٹ کرائم اور دیگر جرائم میں پولیس کو مطلوب تھے۔ ملزمان کو عید گاہ گراونڈ سیکٹر 5 ڈی نیو کراچی سے گرفتار کیا گیا جبکہ ایک ملزم فرار ہو گیا۔
ایس ایس پی سینٹرل کا کہنا ہے کہ ملزمان سے ہینڈ گرنیڈ ،2 پستول، راونڈز، ایک رپیٹراور 3 کارتوس برآمد کئے گئے۔ تحقیقات کے بعد گرفتار ہونے والے ملزمان نے فرار ساتھی کا نام خالد عرف ڈینگ بتایا ہے جس کی گرفتاری کیلئے چھاپے مارے جا رہے ہیں۔
