تازہ ترین
  • بریکنگ :- گزشتہ دورحکومت میں ہم نےوژن 2025 لانچ کیا،احسن اقبال
  • بریکنگ :- وژن 2025 کامقصدپاکستان کوترقی یافتہ ممالک کی صف میں لاناتھا،احسن اقبال
  • بریکنگ :- اسلام آباد:گزشتہ حکومت نےترقیاتی فنڈزمیں کمی کی،احسن اقبال
  • بریکنگ :- ہمارامقصددرپیش چیلنجزسےنمٹناہے،وفاقی وزیراحسن اقبال
  • بریکنگ :- پاکستان کودوبارہ ترقی کی راہ پرلےکرجائیں گے،احسن اقبال

کراچی: تاجر کو ایک کروڑ بھتے کی پرچی بھیجنے والا ملزم منظور کالونی سے گرفتار

Published On 13 October,2021 12:15 pm

کراچی: (دنیا نیوز) کراچی میں تاجر کے گھر پر پستول کی گولیوں کے ساتھ ایک کروڑ روپے بھتے کی پرچی بھیجنے والے ملزم کو سی آئی اے پولیس نے منظور کالونی میں کارروائی کر کے گرفتار کر لیا ہے، ملزم اس سے قبل بھی 6 مقدمات میں گرفتار ہو کر جیل جا چکا ہے ۔

کراچی میں سی آئی اے پولیس کے اسپیشل انویسٹی گیشن یونٹ کے ایس ایس پی عارف عزیز کے مطابق کراچی کے اولڈ سٹی ایریا کے مصروف ترین کاروباری علاقے جوڑیا بازار میں چائے پتی کے ایک تاجر ثقلین کے پی ای سی ایچ سوسائٹی میں واقع گھر میں موجود ملازم کو ایک ملزم نے ایک لفافہ دیا تھا جسے کھول کر دیکھا گیا تو اس میں سے نائن ایم ایم پستول کی دو گولیاں اور ایک پرچی برآمد ہوئی تھی جس میں تاجر ثقلین سے ایک کروڑ روپے بھتہ مانگا گیا تھا۔

واقعے کا مقدمہ فیروز آباد تھانے میں درج کرایا گیا تھا اور مقدمے کی تفتیش اسپیشل انویسٹی گیشن یونٹ کو منتقل کر دی گئی تھی، ایس ایس پی عارف عزیز کے مطابق ملزم نے بعد ازاں بذریعہ ٹیلی فون کال کر کے تاجر سے بھتہ بھی طلب کیا تھا، ایس آئی یو کی ٹیم نے کارروائی کے دوران ملزم کا سراغ لگا کر منظور کالونی میں چھاپہ مار کر ملزم محمد بلال کو گرفتار کرلیا ہے، ایس ایس پی عارف عزیز کے مطابق ملزم پہلے بھی 6 مقدمات میں گرفتار ہوکر جیل جا چکا ہے۔