کراچی: (دنیانیوز) شوہر نے تیزدھار آلے کے وار سے بیوی کو قتل کر دیا۔
پولیس کے مطابق احسن آباد اللہ بخش گوٹھ میں شوہر وسیم نے چھری کے پے در پے وار کر کے 35 سالہ اہلیہ فریال کو قتل کر دیا، ملزم موقع سے فرار ہونے میں کامیاب ہو گیا تاہم آلہ قتل برآمد کر لیا گیا ہے۔
پولیس کا کہنا کہ مقتولہ تین بچوں کی ماں تھی، 12 سال قبل اس کی شادی ہوئی تھی، ملزم وسیم ان دنوں بے روزگار تھا اور آئن لائن ٹیکسی بھی چلایا کرتا تھا، ملزم وسیم نے مبینہ طور پر شک و شبہات پر اہلیہ کو چھری کے وار کرکے قتل کیا، واقعہ سے متعلق مزید تفتیش کررہے ہیں۔
