لاڑکانہ : ( دنیا نیوز ) سندھ کے ضلع لاڑکانہ میں وارث ڈنو ماچھی کے علاقے میں ڈاکوؤں نے کوڈرانی پولیس چوکی پر حملہ کر دیا جس کے نتیجے میں دو پولیس اہلکار زخمی ہو گئے۔
لاڑکانہ پولیس کے مطابق حملے کے نتیجے میں گولیاں لگنے سے زخمی ہونے والے اہلکاروں میں غلام عباس اور عبدالنبی شامل ہیں جنہیں طبی امداد کے لئے قریبی ہسپتال منتقل کر دیا گیا ہے۔
پولیس نے مزید بتایا کہ حملہ آور ڈاکو فرار ہونے میں کامیاب ہوگئے ہیں جبکہ پولیس کی بھاری نفری علاقے میں پہنچ گئی ہے اور حملہ آوروں کی گرفتاری کے لئے کارروائی کا آغاز کر دیا گیا ہے۔
