لاہور : ( دنیا نیوز ) صوبائی دارالحکومت کے علاقے چوہنگ میں سی آئی اے پولیس اور شوٹرز کے درمیان مبینہ پولیس مقابلے کے دوران تین ملزمان ہلاک ہو گئے۔
سی آئی اے اقبال ٹاؤن پولیس کے مطابق زیر حراست ملزمان کو ان کے ساتھیوں کی گرفتاری کے لئے لے جایا جارہا تھا کہ چوہنگ کے قریب ملزمان کے ساتھیوں نے پولیس پارٹی پر فائرنگ کر دی۔
پولیس نے دعویٰ کہ ملزمان کے ساتھیوں کی فائرنگ کے جواب میں پولیس پارٹی کی جانب سے بھی فائرنگ کی گئی اور اس دوران زیر حراست ملزمان کاشان، یوسف اور احمد اپنے ہی ساتھیوں کی فائرنگ سے مارے گئے۔
پولیس نے بتایا کہ مارے گئے تینوں شوٹرز کا تعلق شہباز گینگ سے ہے جبکہ ہلاک شوٹرز کے ساتھی اندھیرے کا فائدہ اٹھا کر فرار ہو گئے جن کی گرفتاری کے لئے ناکہ بندی کر کے سرچ آپریشن کا آغاز کر دیا گیا ہے۔
