کراچی : سی ٹی ڈی کی کارروائی، کالعدم تنظیم کا دہشت گرد گرفتار

Published On 03 June,2023 03:36 am

کراچی : ( دنیا نیوز ) انسداد دہشت گردی ڈیپارٹمنٹ ( سی ٹی ڈی ) نے صوبائی دارالحکومت کے علاقے مہران ٹاؤن میں کارروائی کرتے ہوئے مبینہ دہشت گرد گرفتار کر لیا۔

سی ٹی ڈی حکام کے مطابق کارروائی کے دوران گرفتار کئے جانے والے دہشت گرد کی شناخت اعجاز عرف عادل کے نام سے ہوئی ہے جس کا تعلق کالعدم تنظیم تحریک طالبان پاکستان ( ٹی ٹی پی ) سے ہے۔

حکام نے بتایا کہ ملزم کا نام ریڈ بک میں روپوش دہشت گردوں کی فہرست میں شامل تھا اور ملزم کئی سال سے روپوش تھا۔

حکام کا کہنا تھا کہ ملزم کو انٹیلی جنس بنیاد پر ٹریس کر کے گرفتار کیا گیا ہے جبکہ ملزم ماضی میں بھی گرفتار ہو کر جیل جا چکا ہے۔

حکام نے مزید بتایا کہ کارروائی کے دوران ملزم کے قبضے سے اسلحہ بھی برآمد ہوا ہے ۔

Advertisement