بہاولنگر: (دنیا نیوز) بہاولنگر میں منشیات فروشوں نے پولیس پارٹی پر دھاوا بول دیا، تشدد سے 3 اہلکار زخمی ہو گئے جنہیں ہسپتال منتقل کر دیا گیا۔
بہاولنگر کے علاقے چک کوڑا کھوہ میں منشیات فروشوں کیخلاف آپریشن کیلئے پولیس کی نفری موقع پر پہنچی تو ملزمان نے پولیس پارٹی پر ڈنڈوں اور اینٹوں سے حملہ کر دیا ہے۔
منشیات فروشوں کے حملے میں 3 اہلکار زخمی ہو گئے جنہیں طبی امداد کیلئے قریبی ہسپتال منتقل کر دیا گیا، پولیس نے مقدمہ درج کر کے مزید قانونی کارروائی شروع کر دی ہے۔
