کراچی: (دنیا نیوز) شہر قائد کراچی میں مبینہ پولیس مقابلے کے دوران کارچور گینگ کا رکن ہلاک ہو گیا جبکہ پولیس نے ایک خاتون سمگلر کو بھی حراست میں لے لیا۔
کراچی کے علاقے سپر ہائی وے پر چاکر ہوٹل کے قریب پولیس کے ساتھ مبینہ مقابلے میں کارچور گینگ کا ایک رکن مارا گیا جبکہ ملزم کے دیگر ساتھی فائرنگ کرتے ہوئے فرار ہوگئے، پولیس نے ساتھیوں کی تلاش شروع کر دی۔
ادھر پولیس نے کارروائی کرتے ہوئے منشیات سمگلنگ میں ملوث خاتون کو حراست میں لے لیا، ملزمہ سے ایک کلو گرام سے زائد مہلک نشہ کرسٹل برآمد ہوا ہے، خاتون بلوچستان سے نشہ لا کر کراچی میں فروخت کرتی تھی۔
