میرپور خاص: (دنیا نیوز) سندھ کے علاقے میرپور خاص میں پیپلز پارٹی کے امیدوار کے قافلے پر حملہ کیا گیا ہے۔
تفصیلات کے مطابق میرپور خاص کے حلقہ پی ایس 46 سے پیپلز پارٹی امیدوار سید ذوالفقار علی شاہ کے قافلہ پر حملہ بائی پاس کے قریب کیا گیا، قافلے میں فائرنگ سے پیپلز پارٹی کے امیدوار معمولی زخمی ہوئے۔
واقعے کی اطلاع ملنے کے بعد پولیس کی بھاری نفری موقع پر پہنچ گئی اور زخمی ہونے والے امیدوار سید ذوالفقار علی کو فوری طور پر سول ہسپتال منتقل کر دیا، پولیس نے واقعے کی تحقیقات شروع کر دی ہے۔
