کراچی: (دنیانیوز) اینٹی نارکوٹکس فورس( اےاین ایف ) نے پانچ کارروائیوں کےدوران 340 کلومنشیات برآمد کرتے ہوئے 2 ملزمان گرفتارکرلیے ۔
ترجمان کے مطابق اے این ایف کی جانب سے یہ کارروائیاں پشاور، گوادر، نوشہرہ اور جروبی ، زخہ خیل میں کی گئیں ، کارروائی کے دوران 207 کلو چرس،127کلو افیون برآمد کرلی گئی۔
ترجمان اےاین ایف کے مطابق کارروائی کےدوران4 کلو ہیروئن،2 کلو آئس بھی برآمد کی گئی ، گرفتار ملزمان کےخلاف انسدادِ منشیات ایکٹ کےتحت مقدمات درج کرلیے گئے ہیں۔
