پاکستان فیسٹیول کا افتتاح نیدرلینڈز میں پاکستان کے سفیر سید حیدر شاہ نے کیا جبکہ سفارت خانہ کے تمام افسروں نے فیملی کے ساتھ شرکت کی، نیدرلینڈز کے تمام شہروں سے پاکستانیوں نے ہزاروں کی تعداد میں شرکت کی۔

پاکستان میلہ کمیٹی کے چیئرمین اور ارکان نے پاکستان فیسٹیول کو مثالی ایونٹ بنانے میں شب و روزمحنت کی، پاکستان فیسٹیول میں پاکستانی کھانوں اور مصنوعات کے سٹال لگائے گئےجہاں دن بھر رش رہا۔

سفیر پاکستان نے اتنا شاندار پاکستان فیسٹیول کرانے پر انتظامیہ کے ساتھ ساتھ نیدرلینڈز میں مقیم پاکستانیوں کو مبارک باد دی اور حب الوطنی کی تعریف کی، اس موقع پر پاکستان زندہ باد کے نعروں سے ہال گونج اٹھا۔

اس موقع پر نظامت کے فرائض شہزادی شمسی نے بڑے عمدگی سے ادا کیے، پاکستان فیسٹیول کے چیئرمین جمیل احمد نے سفارت خانہ پاکستان اور سپانسرز کا شکریہ ادا کیا، پاکستان کے معروف گلو کار ابرار الحق اور عینی خالد نے موسیقی کا شاندار پروگرام پیش کیا اور ماحول کو خوب گرمایا۔

فیسٹیول کے تمام انتظامات بڑے اچھے تھے، ہالینڈ میں مقیم پاکستانیوں کو ایسی تقریب بڑی دیر بعد دیکھنے کو ملی، تقریب میں پاکستانیوں نے بہت لطف اٹھایا، پاکستان فیسٹیول میں خواتین اور بچوں کی بھی بڑی تعداد موجود تھی۔