تفریح
خلاصہ
- لاہور: (ویب ڈیسک) ملک بھر میں کورونا وائرس کی تیسری لہر کے باعث کیسز میں تیزی سے اضافہ ہو رہا ہے، اس دوران شوبز انڈسٹری کے معروف اداکار بھی مہلک وباء کا نشانہ بن چکے ہیں ان میں ایک اور اضافہ ہوا ہے، گلوکارہ مومنہ مستحسن بھی عالمی وبا سے متاثر ہوگئیں۔
گزشتہ روز مومنہ مستحسن نے فیس بک کی فوٹو اینڈ ویڈیو شیئرنگ ایپ انسٹاگرام کی سٹوری میں اپنی ایک تصویر شیئر کرتے ہوئے کورونا وائرس سے متاثر ہونے سے متعلق بتایا۔
مومنہ مستحسن نے تصویر شیئر کرتے ہوئے لکھا کہ چہرے پر نا ہی کوئی میک اپ ہے اور نا کوئی فلٹر لگایا ہے، بس صرف کووڈ ہے۔
اپنی سٹوری میں مومنہ مستحسن نے لکھا کہ قرنطینہ موڈ آن ہے، تصویر سے اندازہ لگایا جاسکتا ہے گلوکارہ نے اپنے گھر میں ہی قرنطینہ اختیار کرلیا ہے۔
مومنہ مستحسن نے مداحوں کو عالمی وبا سے محفوظ رہنے کا بھی مشورہ دیا اور لکھا کہ محفوظ رہیں۔
