تازہ ترین
  • بریکنگ :- وزیراعظم نےمعاون خصوصی ملک احمد خان کودفاع کا قلمدان سونپ دیا
  • بریکنگ :- اسلام آباد: وزیراعظم کی منظوری کے بعد نوٹیفکیشن جاری
  • بریکنگ :- ملک احمد خان معاون خصوصی دفاع ہوں گے ،نوٹیفکیشن

اسلام مخالف ریمارکس نظر انداز کرنے پر سلمان خان کو شدید تنقید کا سامنا

Published On 10 November,2021 06:35 pm

ممبئی:(ویب ڈیسک)بھارتی رئیلٹی شو میں اسلام مخالف ریمارکس کو نظر انداز کرنے پر بالی ووڈ اداکار سلمان خان کو شدید تنقید کا نشانہ بنایا جانے لگا۔

بھارتی میڈیا رپورٹس کے مطابق رئیلٹی شو بگ باس 15  کے گھر میں ڈرامہ کبھی نہیں رکتا، موجودہ سیزن نے لڑائی، ڈرامے کی تمام حدوں کو پار کردیا ہے۔

گزشتہ ہفتے  بگ باس 15  میں عمر اور سمبا کے مابین لڑائی ہوگئی تھی جس میں سمبا نے عمرریاض کو سوئمنگ پول میں دھکا دے دیا اورعمر کے خلاف توہین آمیز ریمارکس دیتے ہوئے گالم گلوچ بھی کیا۔

عمر ریاض کے خلاف توہین آمیز رویہ رکھنے اور اسلام مخالف ریمارکس دینے کو شو کے ہوسٹ معروف بالی ووڈ اداکار سلمان خان کی جانب سے نظر انداز کردیا گیا جس کے بعد سوشل میڈیا صارفین کی جانب سے ان کو شدید تنقید کا نشانہ بنایا جارہا ہے۔