لاہور: (ویب ڈیسک) پاکستان کے نامور کلاسیکل گلوکار شفقت امانت علی نے انکشاف کیا کہ ان کے گھر والے نہیں چاہتے تھے کہ وہ میوزک انڈسٹری سے وابستہ ہو۔
نجی ٹی وی کے پروگرام میں گفتگو کرتے ہوئے شفقت امانت علی نے کہا کہ ان کے بڑوں کی خواہش تھی کہ وہ کسٹم میں نوکری کریں، پولیس کو جوائن کریں یا کسی اور پروفیشن کا حصہ بنیں۔
گلوکار کا کہنا تھا کہ ان کے گھر والوں کا خیال تھا کہ میں میوزک میں اچھا نہیں ہوں، اس کے باوجود میں نے اپنی جدوجہد جاری رکھی، ایسا نہیں کہ میں گھر والوں سے باغی تھا مگر میرے اندر یہ تھا کہ میں یہی کرنا چاہتا ہوں۔
