لاہور: (دنیا نیوز) معروف پاکستانی اداکارہ و ٹی وی میزبان وینا ملک کی نئی تصاویر نے مداحوں کو کشمش میں مبتلا کردیا۔
حال ہی میں اداکارہ وینا ملک نے فوٹو اینڈ ویڈیو شیئرنگ ایپ انسٹاگرام پر اپنی چند نئی تصاویر شیئرکیں جن میں وہ ایک لڑکے کے ساتھ بیٹھی دکھائی دے رہی ہیں۔
اس نامعلوم لڑکے کے ساتھ وینا ملک کے بیٹھنے کا انداز بتا رہا ہے کہ یہ کوئی غیر نہیں بلکہ اداکارہ کے قریبی دوستوں میں سے ہے۔
وینا ملک نے پوسٹ کے کیپشن میں ’’کومبو‘‘ لکھا جس پر اداکارہ کے مداحوں کی جانب سے سوالوں اور قیاس آرائیوں کا سلسلہ شروع ہو گیا، صارفین کی جانب سے دعویٰ کیا جا رہا ہے کہ یہ لڑکا شہریار ہو سکتا ہے جسے وینا ملک اپنا ہمسفر قرار دیتی رہی ہیں۔
یاد رہے کہ وینا ملک نے 2013ء میں کاروباری شخصیت اسد بشیر خٹک سے دبئی میں شادی کی تھی جن سے ان کے 2 بچے ہیں تاہم 2017 ء میں دونوں کے درمیان علیحدگی ہو گئی تھی۔
