اپنے حالیہ یوٹیوب ویلاگ میں فرح خان نے بالی ووڈ میں قدرتی خوبصورتی اور پلاسٹک سرجریز کے عام رجحان سے متعلق کُھل کر بات کی ہے، ویلاگ کے دوران جب فرح خان کے باورچی، دلیپ کمار نے ان کی چمکتی جلد کی تعریف کی تو فرح نے ہنستے ہوئے اسے اپنی ’قدرتی چمک‘ اور ’قدرتی خوبصورتی‘ قرار دیا۔

بعد ازاں اسی گفتگو کے دوران انہوں نے فلم انڈسٹری کے بدلتے ہوئے بیوٹی اسٹینڈرڈز پر بھی طنزیہ انداز میں بات کی، انہوں نے مذاق کرنے کے انداز میں کہا کہ بالی ووڈ انڈسٹری میں ایشوریا رائے بچن کے علاوہ شاید ہی کوئی اداکارہ ہو جسے واقعی ’قدرتی طور پر خوبصورت‘ کہا جا سکتا ہے۔

واضح رہے کہ اس ویلاگ کے دوران فرح خان نے اپنی ہدایتکاری میں بننے والی آئندہ فلم سے متعلق بھی انکشاف کیا ہے۔

انہوں نے بتایا کہ وہ اس سال کے آخر تک نئی فلم پر کام شروع کرنے کا ارادہ رکھتی ہیں، خاص طور پر اس کے بعد جب ان کے بچے کالج چلے جائیں گے۔