تازہ ترین
  • بریکنگ :- سعودی عرب 1.2 بلین ڈالر کی پیٹرولیم مصنوعات کی مالی اعانت بھی کرے گا،فواد چودھری
  • بریکنگ :- سعودی عرب کا پاکستان کے مرکزی بینک میں 3 ارب ڈالر جمع کرانے کا اعلان خوش آئند،فواد چودھری

مولانا طارق جمیل کی دوسری شادی سے متعلق جعلی خبریں سوشل میڈیا پر پھیلنے لگیں

Published On 28 September,2021 05:10 pm

لاہور: (ویب ڈیسک) معروف عالم دین مولانا طارق جمیل کی دوسری شادی سے متعلق جعلی خبریں سوشل میڈیا پر پھیلائی جانے لگیں۔

سماجی رابطے کی ویب سائٹ ٹویٹر پر معروف عالم دین مولانا طارق جمیل نے ایک سکرین شارٹ شیئر کیا، اس سکرین شاٹ کے اوپر فیک نیوز لکھا ہوا ہے۔

معروف عالم دین کی طرف سے شیئر کیے گئے سکرین شاٹ پر لکھا تھا کہ مولانا طارق جمیل کی دوسری بیوی منظر عام پر آ گئی ہے۔

سکرین شاٹ پر لکھا تھا کہ ’پہلی بیوی سے جھگڑا جبکہ دوسری بیوی سے محبت‘

سماجی رابطے کی ویب سائٹ ٹویٹر پر اپنے ایک پیغام میں معروف عالم دین مولانا طارق جمیل نے لکھا کہ سوشل میڈیا پر میری دوسری شادی سے متعلق کچھ یوٹیوب چینلز ویوز اور سبسکرائبرز کی خاطر جھوٹ بول رہے ہیں، اس بات کا حقیقت سے بالکل بھی تعلق نہیں ہے۔ اللہ ان کو ہدایت عطا فرمائے۔