لاہور: ( ویب ڈیسک ) ٹی 20 ورلڈ کپ اپنے اختتام کی جانب بڑھ چکا ہے اور اسی دوران سوشل میڈیا پر نیوزی لینڈ کے کمنٹیٹر ڈینی موریسن سے منسوب بیان وائرل ہوا جو کہ جعلی نکل آیا ہے۔
وائرل بیان ڈینی موریسن کی نظروں کے سامنے سے گزرا تو وہ خود سے منسوب وائرل بیان پر سیخ پا ہوگئے۔
ہوا کچھ یوں کہ گزشتہ روز ایک ٹوئٹر صارف نے ڈینی موریسن کے حوالے سے ایک ٹوئٹ کی جس پر کیوی کمنٹیٹر اپنے غصے پر قابو نہ رکھ سکے اور انہوں نے فوراً ٹوئٹ کا جواب دیا۔
— ASG (@ahadfoooty) November 9, 2022
صارف نے اپنی ٹوئٹ میں لکھا ڈینی موریسن کا کہنا ہے کہ میں چاہوں گا پاکستان اور بھارت کا فائنل ہو اور پاکستان بھارت کو شکست دے، ہم سب کرپٹ کرکٹ مافیا کے خلاف انصاف چاہتے ہیں۔
— Danny Morrison (@SteelyDan66) November 9, 2022
جواب میں ڈینی نے شدید برہمی کا اظہار کیا اور لکھا میں نے ابھی یہ ٹوئٹ دیکھی جو کہ مکمل طور پر کچرا ہے، میں سوشل میڈیا پر ان جھوٹ سے تھک چکا ہوں۔
