صوبائی الیکشن کمشنر بلوچستان کی 6 حلقوں میں ووٹوں کی دوبارہ گنتی کی خبر کی تردید

Published On 12 February,2024 06:41 pm

کوئٹہ: (دنیا نیوز) صوبائی الیکشن کمشنربلوچستان نے مختلف اخبارات میں شائع ہونیوالی بلوچستان میں 6 حلقوں میں ہونے والی ووٹوں کی دوبارہ گنتی کی خبر کی تردید کردی۔

صوبائی الیکشن کمشنر بلوچستان کی جانب سے جاری اعلامیے میں کہا گیا کہ بلوچستان کے 6 حلقوں پی بی 41،43،48، 49، 50 اور 51 میں ووٹوں کی دوبارہ گنتی کی خبرغلط ہے۔

اعلامیے کے مطابق مذکورہ حلقوں کےریٹرننگ افسران کومراسلہ بھیجا تھا جس میں امیدواروں کی درخواستوں پرقانون کے مطابق فیصلے کی ہدایت کی گئی ہے۔

صوبائی الیکشن کمشنر کا کہنا ہے کہ الیکشن کمیشن آف پاکستان کی جانب سے صرف بلوچستان کے ضلع حب کے حلقہ پی بی 21 کے چند پولنگ سٹیشنز پر دوبارہ گنتی کاحکم دیا گیا ہے۔ 

Advertisement