کوئٹہ: (دنیا نیوز) بلوچستان میں کورونا ویکسین لگانے کا سلسلہ جاری ہے، صوبے میں گزشتہ روز 539 افراد جبکہ مجموعی طور پر 16 ہزار 7 سو 49 افراد کو ویکسین لگائی گئی۔
کورونا آپریشن سیل کے مطابق بلوچستان کے 33 اضلاع میں کورونا ویکسین لگائی جا رہی ہے، آپریشن سیل کے مطابق گزشتہ 24 گھنٹوں کے دوران صوبے کے 5 سو 39 افراد کو ویکیسن لگائی گئی، پہلے مرحلے میں 15 ہزار ایک سو 69 ہیلتھ ورکرز کو ویکسین کی پہلی ڈوز جبکہ 13 سو 86 ہیلتھ ورکرز میں دوسری دوز لگائی گئی۔
صوبے میں گزشتہ روز 60 سال سے زائد عمر کے 33 افراد میں ویکسین لگائی گئی جبکہ ایک سو 94 معمر افراد کو ویکسین لگائی جا چکی ہے، بلوچستان میں مجموعی طور پر اب تک 16 ہزار 7 سو 49 افراد کو ویکسین لگائی جا چکی ہے۔
