تازہ ترین
  • بریکنگ :- آرمی چیف کااےاین ایف ہیڈکوارٹرزکادورہ،آئی ایس پی آر
  • بریکنگ :- آرمی چیف کواےاین ایف کی کارکردگی پربریفنگ
  • بریکنگ :- آرمی چیف کواےاین ایف آپریشنل امورپربریفنگ،آئی ایس پی آر
  • بریکنگ :- آرمی چیف سےاےاین ایف کےافسران اورعملےکی ملاقات

خیبرپختونخوا: 5 لاکھ سرکاری ملازمین میں سے صرف 80 ہزار نے ویکسی نیشن کروائی

Published On 21 June,2021 09:34 am

پشاور: (دنیا نیوز) خیبرپختونخوا کے سرکاری محکموں میں ویکسی نیشن لگوانےکا رجحان بڑھایا نہ جاسکا، صوبہ میں کم و بیش 5 لاکھ سرکاری ملازمین میں اب تک صرف 80 ہزار ملازمین کی ویکسی نیشن ہو سکی۔

خیبرپختونخوا میں سرکاری ملازمین کورونا سے بچائو کی ویکسی نیشن سے کترانے لگے، ملازمین میں ویکسین لگوانے کا رجحان انتہائی کم ہے۔ خیبر پختونخوا میں مختلف سرکاری محکموں کے ملازمین میں کورونا سے بچائو کی ویکسینیشن لگوانے میں عدم دلچسپی سامنے آئی ہے، صوبہ بھر میں کم و بیش 5 لاکھ سرکاری ملازمین ہیں لیکن اب تک صرف 80 ہزار ملازمین کی ویکسی نیشن کی گئی ہے، شہریوں کا کہنا ہے کہ حکومت سرکاری ملازمین سے متعلق بھی ٹھوس منصوبہ بندی کرے۔

معاون خصوصی اطلاعات کامران بنگش کا کہنا ہے کہ این سی او سی کی واضح ہدایات پرسختی سے عمل درآمد کیا جارہا ہے، ویکسی نیشن نہ کرانے والے ملازمین کی تنخواہیں روکنے سمیت محکمانہ کارروائی بھی کی جائے گی۔

صوبے کے 20 محکموں کو رواں ماہ 30 جون اور12 محکموں کو 15 جولائی تک ملازمین کی ویکسی نیشن کرانے کی ہدایت کی گئی ہے جس کے بعد ملازمین کا سرکاری دفاتر میں داخلہ بند کردیا جائیگا۔