تازہ ترین
  • بریکنگ :- اقوام متحدہ کےباہرکشمیری کمیونٹی کابھارت کیخلاف مظاہرہ جاری
  • بریکنگ :- نیویارک:مظاہرےمیں خواتین سمیت بڑی تعدادمیں لوگ شریک
  • بریکنگ :- نیویارک:مظاہرین نےپلےکارڈزاٹھارکھےہیں
  • بریکنگ :- پلےکارڈزپربھارتی جارحیت کےخلاف نعرےدرج

فیصل آباد کے ہسپتالوں میں کورونا مریضوں اور اموات کی تعداد روز بروز بڑھنے لگی

Published On 08 September,2021 09:11 am

فیصل آباد: (دنیا نیوز) فیصل آباد میں کورونا کی چوتھی لہر خطرناک مرحلے میں داخل ہونے لگی جس کے باعث ہسپتالوں میں مریضوں اور اموات کی تعداد روز بروز بڑھ رہی ہے۔

کورونا وباء کی چوتھی لہر شہریوں کی بے احتیاطی کے نتیجہ میں مزید خطرناک صورتحال اختیار کرنے لگی۔ فیصل آباد میں ایکٹو کیسز کی تعداد 1500 سے زائد ہونے کے ساتھ ساتھ مثبت کیسزکی شرح دس فیصد تک پہنچ گئی ہے، شہریوں کا کہنا ہے کہ اگر احتیاط نہ کی گئی تو ہم مزید اس مرض کا شکار ہوتے جائیں گے۔

فیصل آباد کے سرکاری ہسپتالوں میں 622 بیڈز کورونا مریضوں کیلئے مختص کئے گئے ہیں جبکہ اس وقت 390 مریض زیر علاج اور ایک ہزار سے زائد افراد نے خود کو گھروں میں آِئسولیٹ کیا ہوا ہے۔ ایک ہی دن میں 90 نئے کیسز سامنے آنے سے صورتحال پیچدہ ہوتی نظر آرہی ہے۔ سی او ہیلتھ کہتے ہیں کیسز میں واضح اضافہ ہورہا ہے، لوگوں کو احتیاط کرنی چاہئے۔

کورونا کے بڑھتے ہوئے کیسز سے ظاہر ہورہا ہے کہ اگر شہریوں نے احتیاط نہ کی تو دوبارہ لاک ڈاون کی صورتحال پیدا ہوسکتی ہے۔