اسلام آباد: (دنیا نیوز) کورونا وائرس ایک بار پھر اپنے پنجے گاڑھنے لگا ہے، 24 گھنٹے کے دوران کورونا سے 2 افراد جاں بحق جبکہ 40 نئے کیسز سامنے آگئے۔
قومی ادارہ صحت (این آئی ایچ) کے مطابق 24 گھنٹے کے دوران 2 اموات رپورٹ ہوئیں، انتقال کرنے والے دونوں افراد کا تعلق کراچی سے ہے۔
ملک بھر میں کورونا کے 40 کیسز رپورٹ ہوئے، سب سے زیادہ 14 کیسز لاہور میں سامنے آئے، لاہور میں مثبت کیسز کی شرح 3 اعشاریہ 72 فیصد ریکارڈ ہوئی۔
این آئی ایچ کے مطابق ملک بھر میں کورونا کے 3 ہزار 881 ٹیسٹ کئے گئے، مجموعی طور پر مثبت کیسز کی شرح ایک اعشاریہ تین فیصد رہی، کورونا کے 18 مریضوں کی حالت تشویشناک ہے۔
