کراچی:(ویب ڈیسک ) سندھ میں مزید دو پولیو کے کیسزکی تصدیق ہو نے سے پاکستان میں مجموعی کیسز کی تعداد 26 ہوگئی ہے۔
قومی ادارہ صحت نے سندھ کے اضلاع کراچی شرقی اور سجاول سے مزید دو کیسز کی تصدیق کردی ہے جبکہ نیشنل ایمرجنسی آپریشن سینٹر کے اعداد وشمار کی رپورٹ میں بتایا گیا ہے کہ رواں سال بلوچستان سے 15، سندھ سے 7، خیبر پختونخوا سے 2، جبکہ پنجاب اور اسلام آباد سے ایک ایک پولیو کیس رپورٹ ہو چکا ہے۔
سندھ میں رپورٹ ہونے والے سات پولیو کیسز میں سے دو کیماڑی، دو حیدرآباد، ایک شکارپور، ایک سجاول اور ایک کراچی ضلع شرقی سے ہیں، کراچی میں منظر عام پر آنے والے پولیو کے تین کیسز میں سے دو کا تعلق ضلع کیماڑی جبکہ ایک کیس کا تعلق ضلع شرقی سے ہے۔
این ای او سی نے بچوں کو زندگی بھر کی معذوری سے بچانے کے لیے والدین سے پولیو ٹیمز کے ساتھ تعاون کی اپیل کی ہے۔
