لاہور : (دنیانیوز) پنجاب بھر میں ڈینگی کے وار نہ رک سکے، گزشتہ 24 گھنٹوں میں صوبے بھر میں ڈینگی کے 162 کیسز رپورٹ ہوئے ہیں۔
ترجمان محکمہ صحت کا کہنا ہے کہ گزشتہ چوبیس گھنٹوں میں راولپنڈی سے 133 ،لاہور سے ڈینگی کے 7کیس رپورٹ ہوئے۔
ترجمان کے مطابق فیصل آباد 5، اٹک 4، چکوال 3 اور شیخوپورہ سے 2 ڈینگی کیس رپورٹ ہوئے، گوجرانوالہ، جہلم، قصور، لودھراں، گجرات، خوشاب، لیہ اور نارووال سے ایک ایک کیس سامنے آیا۔
ترجمان نے مزید بتایا کہ صوبے میں ایک ہفتہ میں 972 جبکہ رواں سال اب تک 5756 ڈینگی کے کیسز رپورٹ ہوئے ہیں۔
