لاہور : (دنیانیوز) پنجاب میں ڈینگی کے مریضوں میں کمی نہ آ سکی، مزید 104 کیسز سامنے آگئے۔
ترجمان محکمہ صحت کے مطابق گزشتہ چوبیس گھنٹوں میں صوبہ میں ڈینگی کے 104 کیسز رپورٹ ہوئے ، رواں سال اب تک 6523 ڈینگی کے کیسز رپورٹ ہوچکے ہیں۔
ترجمان محکمہ صحت کا بتانا ہے کہ گزشتہ چوبیس گھنٹوں میں راولپنڈی سے 75 ، لاہور سے 9 ڈینگی کے کیس رپورٹ ہوئے ، چکوال سے 4 ، فیصل آباد اور وہاڑی سے 3-3 ڈینگی کے مریض سامنے آئے ہیں۔
ترجمان نے مزید بتایا کہ گوجرانوالہ، بہاولپور، بہاولنگر، ساہیوال ، ملتان، چنیوٹ، شیخوپورہ ، گجرات، حافظ آباد اور لیہ سے ایک، ایک کیس رپورٹ ہوا۔
