اسلام آباد: (دنیا نیوز) وزیراعظم محمد شہباز شریف سے وفاقی وزیر نیشنل ہیلتھ سروسز ریگولیشن اینڈ کوآرڈی نیشن سید مصطفیٰ کمال کی ملاقات ہوئی۔
وفاقی وزیر سید مصطفیٰ کمال نے شعبہ صحت میں جاری منصوبوں کی پیشرفت کے حوالے سے وزیراعظم کو آگاہ کیا، وفاقی وزیر نے وزیراعظم کو وفاق کے زیر انتظام ہسپتالوں میں مریضوں کو علاج کے لیے مزید بہتر سہولیات فراہم کرنے کے حوالے سے تجاویز پیش کیں۔
ملاقات میں وفاقی وزیر نے وزیراعظم کو قومی انسداد پولیو مہم کی پیشرفت کے حوالے سے آگاہ کیا، وزیراعظم شہباز شریف نے قومی انسداد پولیو مہم کی مستقل نگرانی کی ہدایت کی۔
اس موقع پر اسلام آباد میں جناح میڈیکل کمپلیکس کے منصوبے کی پیشرفت پر گفتگو کی گئی، وزیراعظم نے جناح میڈیکل کمپلیکس کا منصوبہ جلد از جلد مکمل کرنے کی ہدایت کی۔
