پشاور: (دنیا نیوز) خیبرپختونخوا میں رواں سال پولیو کا دوسرا کیس رپورٹ ہوا ہے۔
صوبائی محکمہ صحت کے مطابق ضلع تورغر کی تحصیل کنڈر کی یونین کونسل منجاکوٹ میں 11 سال کے بچے میں پولیو وائرس کی تصدیق ہوئی ہے۔
صوبے میں رواں سال کا پہلا پولیو کیس جنوری میں ضلع ڈیرہ اسماعیل خان سے رپورٹ ہوا تھا۔
واضح رہے کہ رواں سال ملک بھر میں پولیو کیسز کی تعداد 7 ہوگئی ہے، خیبرپختونخوا سے 2، سندھ سے 4 اور پنجاب سے ایک کیسز رپورٹ ہوا ہے۔
