یوم دفاع پر مثالی کوریج: میڈیا کے شکر گزار ہیں: میجر جنرل آصف غفور

لاہور: (ویب ڈیسک) یوم دفاع پر زبردست کوریج ملنے پر ترجمان پاک فوج میجر جنرل آصف غفور نے میڈیا کا شکریہ ادا کر دیا۔

ٹویٹر پر پیغام میں پاک فوج کے ترجمان میجر جنرل آصف غفور کا کہنا تھا کہ یوم دفاع و شہدا کی خصوصی کوریج اور بیک وقت اسے دوبارہ نشر کرنے پر میڈیا کا شکریہ ادا کرتا ہوں۔

یہ بھی پڑھیں: کشمیرکے باعث فوج72 سال سے حالت جنگ میں ہے:ڈی جی آئی ایس پی آر

ٹویٹر پر ٹویٹ کرتے ہوئے ان کا کہنا تھا کہ آرمی چیف جنرل قمر جاوید باجوہ نے یوم شہدا کے موقع پر شہیدوں کے اہلخانہ کے پاس جانے پر قوم کا شکریہ ادا کیا اور کہا کہ شہدا ہمارا فخر اور انکے اہلخانہ ہماری ذمہ داری ہیں۔

Thanks to media for unprecedented coverage of Defence & Martyrs Day especially concurrent repeat telecast by electronic media.
COAS thanks nation for reaching out to families of Shaheeds on the eve of Martyrs Day. “Martyrs are our pride & their families our responsibility”, COAS.

— DG ISPR (@OfficialDGISPR) September 7, 2019

یاد رہے کہ پاک فوج کے ترجمان میجر جنرل آصف غفور نے یوم شہداء سے ایک روز قبل دنیا نیوز کے پروگرام نقطہ نظر میں گفتگو کرتے ہوئے اپیل کی تھی کہ یوم شہداء پر شہری شہیدوں کے گھروں میں جائیں اور شہیدوں کے ورثاء کو احساس دلائیں کہ پوری قوم آپ کیساتھ ہے۔