خلاصہ
- اسلام آباد: (دنیا نیوز) وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ مسلم لیگ ن کے قائد اور سابق وزیراعظم میاں نواز شریف کو بیرون ملک جانے کی اجازت دینے کے حکومتی فیصلے کو متعصبانہ قرار دینا نہایت افسوسناک ہے۔
سماجی رابطے کی ویب سائٹ ٹویٹر پر ٹویٹ کرتے ہوئے ڈاکٹر فردوس عاشق اعوان کا کہنا تھا کہ وفاقی حکومت کی طرف سے سیاست کو پس پشت ڈال کر انسانی ہمدردی کی بنیادوں پر نیک نیتی سے فیصلہ کیا۔
محمد نواز شریف کو چار ہفتوں کے لئے بیرون ملک جانے کی اجازت دینے کے حکومتی فیصلے کو متعصبانہ قرار دینا نہایت افسوسناک ہے۔سیاست کو پس پشت ڈال کر انسانی ہمدردی کی بنیادوں پر نیک نیتی سے فیصلہ کیا۔قانون کی پاسداری حکومت کی آئینی ذمہ داری ہے۔
— Firdous Ashiq Awan (@Dr_FirdousPTI) November 13, 2019
لیگی ردعمل اس امرکا ثبوت ہے کہ وہ میاں صاحب کی بیماری پر سیاست کرنا چاہتے ہیں،علاج نہیں۔اگر آپ قانون کا احترام کرتے ہیں تو indemnity bond کے قانونی تقاضے کو پورا کرنے میں کیا عار ہے؟
— Firdous Ashiq Awan (@Dr_FirdousPTI) November 13, 2019
ان کا مزید کہنا تھا کہ قانون کی پاسداری حکومت کی آئینی ذمہ داری ہے۔ ن لیگ کا ردعمل ثبوت ہے کہ وہ بیماری پر سیاست کرنا چاہتے ہیں،علاج نہیں۔
یہ مسئلہ پاکستان تحریک انصاف اور ن لیگ کا نہیں،ایک شخص کی صحت کا ہے جس کے ریلیف کیلئے حکومت نے غیر معمولی اقدام اٹھایا ہے۔
— Firdous Ashiq Awan (@Dr_FirdousPTI) November 13, 2019
معاون خصوصی برائے اطلاعات و نشریات کا مزید کہنا تھا کہ گر آپ قانون کا احترام کرتے ہیں تو زر ضمانت (indemnity bond) کے قانونی تقاضے کو پورا کرنے میں کیا عار ہے؟
مولانا کا پلان (بی) سیاسی بدحواسی پلان ہے۔انہیں سمجھ نہیں آرہی وہ کیا کریں؟ملک کو عدم استحکام سے دوچار کرنے کے سارے پلان ناکام ہوں گے۔مولانا جمہوری اور عوامی پلان سامنے لائیں۔(پلان بی) کے تحت کوئی ایسا غیر ذمہ دارانہ اقدام نہ اٹھائیں جو آپ کی اپنی سیاسی عبرت کا باعث بن جائے۔
— Firdous Ashiq Awan (@Dr_FirdousPTI) November 13, 2019
ڈاکٹر فردوس عاشق اعوان کا کہنا تھا کہ یہ مسئلہ پاکستان تحریک انصاف (پی ٹی آئی) اور مسلم لیگ ن کا نہیں، ایک شخص کی صحت کا ہے جس کے ریلیف کیلئے حکومت نے غیر معمولی اقدام اٹھایا ہے۔
