تازہ ترین
  • بریکنگ :- روس اوریوکرین نیوکلیئرپاورپلانٹ سےفوج اوراسلحہ دوررکھیں،اقوام متحدہ
  • بریکنگ :- سیکریٹری جنرل اقوام متحدہ کایوکرین کےجوہری پلانٹ کونقصان پہنچانےپراظہارتشویش

'سابق بھارتی جنرل کی کشمیری خواتین کی بے حرمتی کے بیان کی مذمت کرتے ہیں'

Last Updated On 18 November,2019 02:49 pm

اسلام آباد: (دنیا نیوز) ڈاکٹر فردوس عاشق اعوان نے سابق بھارتی جنرل کی ٹی وی پر کشمیری خواتین کی بے حرمتی کے گھٹیا بیان کی مذمت کی ہے۔ انہوں نے کہا ‏ایسے بیانات قاتل اور غاصب مودی حکومت کے ان دعوؤں کی کھلی تردید ہیں کہ کشمیر میں زندگی معمول پر آگئی ہے۔

معاون خصوصی اطلاعات ڈاکٹر فردوس عاشق اعوان نے اپنے ٹویٹ میں کہا کہ سلام پیش کرتے ہیں اپنی کشمیری ماؤں اور بہنوں کو جنہوں نے جرات، شجاعت اور بہادری سے بھارتی جبر و ظلم کا مقابلہ کیا، جدوجہد آزادی میں ان کی قربانیاں اور خدمات تاریخ کا ناقابل فراموش باب ہیں۔

ڈاکٹر فردوس عاشق اعوان نے کہا کہ اخلاق سے عاری اور فسطائیت سے بھرپور یہ سوچ مودی کے نازی ازم کا ناقابل تردید ثبوت ہے، ‏بھارتی فوجی بی جے پی کے کارندے بن چکے ہیں، عالمی برادری بھارتی فوج کے ایسے ذہنی بیماروں اور انسانیت کے مجرموں کے خلاف سخت درعمل کا اظہار کرے۔