اسلام آباد: (دنیا نیوز) مسلح افواج کے سربراہان کی مدت ملازمت میں توسیع کے معاملے پر قائمہ کمیٹی برائے دفاع پھر سر جوڑ کر بیٹھ گئی، آرمی ایکٹ، ائیر فورس ایکٹ اور نیوی ایکٹ کی منظوری پر غور کیا جائے گا۔
ذرائع کے مطابق قومی اسمبلی کی قائمہ کمیٹی برائے دفاع کے اجلاس سے قبل وزیر دفاع پرویز خٹک کی زیر صدارت پارلیمنٹ چیمبر میں اہم اجلاس ہوا جس میں دفاعی کمیٹی کے چیرمین امجد خان اور حکومتی اراکین نے شرکت کی۔ اجلاس میں آرمی ایکٹ ترمیمی بل کی دفاعی کمیٹی سے منظوری کی حکمت عملی طے کی گئی۔
