اسلام آباد: (دنیا نیوز) لیگی رکن قومی اسمبلی مائزہ حمید غلطی سے تحریک انصاف کی پارلیمانی پارٹی اجلاس میں پہنچ گئیں، سیکیورٹی عملے نے رہنمائی کی۔
پارلیمنٹ ہاؤس میں مسلم لیگ ن اور پی ٹی آئی کے پارلیمانی پارٹی کے اجلاس مختلف کمروں میں ہوئے، لیگی رہنما مائزہ حمید غلطی سے اس کمرے میں داخل ہوگئیں جہاں تحریک انصاف کی پارلیمانی پارٹی کا اجلاس جاری تھا۔
مائزہ حمید کو دیکھ کر پی ٹی آئی کی شاندانہ گلزار نے چٹکلہ چھوڑا آپ ادھر ہی آجائیں ایک ہی بات ہے ، بعد ازاں سیکیورٹی عملے نے بتایا کہ ن لیگ کا اجلاس کمرہ نمبر 5 میں ہے۔
