خلاصہ
- راولپنڈی: (دنیا نیوز) پاک فوج کے سربراہ جنرل قمر جاوید باجوہ نے کہا ہے کہ تمام پاکستانی کرونا وائرس کیخلاف مل کر مقابلہ کرینگے۔
ڈی جی آئی ایس پی آر میجر جنرل بابر افتخار کے ٹویٹ کے مطابق آرمی چیف جنرل قمر جاوید باجوہ نے گلگت بلتستان کی صورتحال پر اظہار خیال کرتے ہوئے کہا کہ پاک فوج گلگت بلتسان کے عوام کی مشکلات سے آگاہ ہے۔ کرونا وائرس کی وجہ سے گلگت بلتستان کی حکومت اور سول انتظامیہ کیساتھ مل کر کام کیا جا رہا ہے۔
... “in conjunction with Federal Government. We will never leave the people of GB alone in these challenging times. Pakistanis will fight against COVID-19 as one” COAS. (2/2)
— DG ISPR (@OfficialDGISPR) March 24, 2020
آرمی چیف نے کہا کہ موجودہ صورتحال میں جنگی بنیادوں پر اضافی وسائل متحرک کئے گئے ہیں اور کرونا کی وبا سے نمٹنے کیلئے وفاقی حکومت کے ساتھ مل کر تمام دستیاب وسائل بروئے کار لا رہے ہیں۔
سربراہ پاک فوج نے یقین دلایا کہ گلگت بلتستان کے لوگوں کو مشکل گھڑی میں تنہا نہیں چھوڑیں گے۔ پوری قوم مل کر کرونا وائرس کیخلاف مقابلہ کریگی۔
