تازہ ترین
  • بریکنگ :- شہبازگل نے اعتراف کیا ان کا بیان پارٹی پالیسی سے ہٹ کرنہیں تھا،عطا تارڑ
  • بریکنگ :- ملکی تاریخ میں بغاوت کےایسےالفاظ کبھی استعمال نہیں کیے گئے،عطا تارڑ
  • بریکنگ :- اب سمجھ آرہی ہے کہ ملک دشمن ایجنڈا کس کا تھا،عطا تارڑ
  • بریکنگ :- شہبازگل کا بیان فارن فنڈڈ ایجنڈے کے تحت ہے،عطا تارڑ
  • بریکنگ :- بگڑا لاڈلہ مونس الہٰی کس حیثیت سےپنجاب پولیس کوہدایات دےرہاہے،عطا تارڑ
  • بریکنگ :- پرویزالہٰی کہتےہیں شہبازگل کوڈانٹاوہ توجیل میں ہےآپ نےکیسےڈانٹ لیا؟عطا تارڑ
  • بریکنگ :- وزیرداخلہ پنجاب مجھے گرفتارکرنے کی دھمکیاں دے رہے ہیں،عطا تارڑ
  • بریکنگ :- چیلنج کرتاہوں وزیرداخلہ پنجاب مجھے انگلی لگا کردکھائیں،عطا تارڑ
  • بریکنگ :- پنجاب کے جس مرضی شہرمیں جاسکتا ہوں،عطا تارڑ

25 لاکھ خاندانوں کیلئے 10 ارب روپے مختص کئے: وزیراعلیٰ پنجاب

Last Updated On 31 March,2020 03:51 pm

لاہور: (دنیا نیوز) وزیراعلیٰ پنجاب نے کہا ہے کہ 25 لاکھ خاندانوں کیلئے 10 ارب روپے مختص کئے، ہر خاندان کو چار ہزار روپے فراہم کئے جائیں گے۔

 سردار عثمان بزدارنے میڈیا بریفنگ دیتے ہوئے کہا مستحقین سے بڑھ چڑھ کر تعاون کر رہے ہیں، صوبے میں مساجد اور بازاروں میں جراثیم کش سپرے کرنے کی ہدایت کی ہے، عوام سے اپیل ہے سماجی فاصلہ رکھیں اور گھروں میں رہیں۔ انہوں نے کہاکورونا پر قابو پانے کیلئے ہر ممکن کوشش کر رہے ہیں، تبلیغی جماعت کے ساتھ مس ہینڈلنگ کی رپورٹ ملی ہے، کٹس میں خود کفیل ہونے کی کوشش کر رہے ہیں، مستحقین کو آن لائن 4 ہزار روپے مہیا کریں گے۔

 وزیراعلیٰ پنجاب نے دفعہ 144 کی خلاف ورزری پر گرفتار افراد کی رہائی کا حکم دیتے ہوئے کہا پولیس کو گرفتار افراد کی رہائی کا کہہ دیا ہے، گرفتار افراد کو جذبہ خیرسگالی کے تحت رہا کیا جائے، ایکسپو سینٹر میں ایک ہزار بستروں کا ہسپتال کل سے کام شروع کر دے گا، محکمہ صحت کو 14 ارب روپے جاری کیے ہیں، محکمہ صحت کو ٹیسٹنگ کی صلاحیت بڑھانے کی ہدایت کی ہے۔

عثمان بزدار کا کہنا تھا ہیلتھ پروفیشنلز کو حفاظتی سامان مہیا کریں گے، انتظامی اور طبی لحاظ سے صورتحال کنٹرول ہے، 8 ڈویژنل لیبارٹریز کے قیام کیلئے 62 کروڑ روپےجاری کر دیئے، کورونا پر کام کرنیوالے ڈاکٹرز کو ایک اضافی تنخواہ دیں گے، اگر کسی کی موت واقع ہوئی تو شہدا فنڈ بھی دیں گے۔

عوام کے تعاون سے کورونا وائرس کی وباء پر قابو پائیں گے: وزیراعلیٰ پنجاب

قبل ازیں وزیراعلیٰ پنجاب نے اپنے بیان میں کہا عوام کے تعاون سے کورونا وائرس کی وباء پر قابو پائیں گے، ماضی کے حکمرانوں نے شعبہ صحت کو یکسر نظر انداز کیا۔

سردار عثمان بزدار کا کہنا تھا ماضی کے دور میں صحت کے شعبے کو کبھی ترجیح نہیں دی گئی، موجودہ کٹھن حالات میں اپوزیشن جماعتوں کا رویہ مایوس کن ہے، قوم کو اس وقت اتحاد کی ضرورت ہے، اپوزیشن محض اپنی سیاست چمکانے کے لئے خالی بیان بازی کر رہی ہے، اپوزیشن جماعتوں کو زبانی جمع خرچ کی بجائے میدان میں آنا چاہیے۔

وزیراعلیٰ پنجاب نے مزید کہا عوام کی خدمت محض بیانوں سے نہیں ہوتی بلکہ مشکل وقت میں عوام کے ساتھ کھڑا ہونا پڑتا ہے، تحریک انصاف کی حکومت آزمائش کی گھڑی میں عوام کے شانہ بشانہ کھڑی ہے، تحریک انصاف کی حکومت کے کورونا کنٹرول کے لئے اقدامات پر عوام کو پورا اعتماد ہے، ہرا قدام عوام کے تحفظ کے لئے اٹھا رہے ہیں۔