تازہ ترین
  • بریکنگ :- گزشتہ دورحکومت میں ہم نےوژن 2025 لانچ کیا،احسن اقبال
  • بریکنگ :- وژن 2025 کامقصدپاکستان کوترقی یافتہ ممالک کی صف میں لاناتھا،احسن اقبال
  • بریکنگ :- اسلام آباد:گزشتہ حکومت نےترقیاتی فنڈزمیں کمی کی،احسن اقبال
  • بریکنگ :- ہمارامقصددرپیش چیلنجزسےنمٹناہے،وفاقی وزیراحسن اقبال
  • بریکنگ :- پاکستان کودوبارہ ترقی کی راہ پرلےکرجائیں گے،احسن اقبال

سندھ حکومت کی شہریوں کو نماز جمعہ گھروں میں ادا کرنے کی ہدایت

Last Updated On 10 April,2020 11:22 am

کراچی: (دنیا نیوز) سندھ حکومت نے شہریوں کو نماز جمعہ گھروں میں ادا کرنے کی ہدایت کر دی، صوبے میں دن 12 سے سہ پہر 3 بجے تک مکمل لاک ڈاؤن ہوگا۔ پنجاب، خیرپختونخوا اور بلوچستان میں صرف 3 سے 5 افراد کو مساجد میں جانے کی اجازت ہوگی۔

لاہور سمیت پنجاب میں بھی نماز جمعہ کی مناسبت سے آج سخت ترین اقدامات کئے گئے ہیں، عوام کو نماز گھر میں ہی ادا کر نے کی ہدایت کی گئی ہے۔ خیبرپختونخوا اور بلوچستان میں بھی عوام کیلئے خصوصی ہدایات جاری کی گئی ہیں اور انہیں نماز گھروں پر ہی ادا کرنے کی تلقین کی گئی ہے، سیکیورٹی کے بھی سخت انتظامات ہیں۔

ادھر وزیراعظم نے 14 اپریل کے بعد لاک ڈاؤن میں نرمی کا عندیہ دیدیا۔ عمران خان کا کہنا ہے، پابندیوں سے پورا ملک متاثر ہو رہا ہے، کون کون سے شعبے کھولنے ہیں، اس پر غور کریں گے۔

سندھ حکومت نے بھی 14 اپریل کے بعد لاک ڈاؤن میں نرمی کرنے پرغور شروع کر دیا۔ کمشنر کراچی کے مطابق 15 اپریل سے مارکیٹس، دکانیں اور انڈسٹری کھولنےپر بھی غور کیا جا رہا ہے۔

اسلام آباد میں لاک ڈاؤن میں مزید نرمی کر دی گئی، ڈرائی کلینرز کی دکانیں کھولنے کی اجازت مل گئی، دکان داروں کو ضلعی انتظامیہ کے جاری حفاظتی اقدات کو بھی یقینی بنانا ہوگا۔