تازہ ترین
  • بریکنگ :- اومی کرون کاپھیلاؤ،عالمی مارکیٹ میں تیل کی قیمتوں میں کمی کاسلسلہ جاری
  • بریکنگ :- نیویارک:امریکی خام تیل کی قیمتوں میں فی بیرل 61سینٹ کمی،خبرایجنسی
  • بریکنگ :- نیویارک:امریکی خام تیل کی قیمت 65.57ڈالرفی بیرل ہوگئی،خبرایجنسی
  • بریکنگ :- نیویارک:برینٹ کروڈ آئل کی قیمت میں 36سینٹ کمی،خبرایجنسی
  • بریکنگ :- نیویارک:برینٹ کروڈآئل کی قیمت 68.87ڈالرفی بیرل ہوگئی،خبرایجنسی
  • بریکنگ :- امریکامیں اومی کرون کاپہلاکیس سامنےآنےکےبعداسٹاک مارکیٹس میں مندی
  • بریکنگ :- ڈاؤجونزمیں 460پوائنٹس کی کمی،شیئرز 1.3فیصد تک گرگئے،امریکی میڈٰیا
  • بریکنگ :- ایس اینڈپی 500کےشیئرزمیں 1.2فیصد،نصداق کمپوزٹ انڈیکس میں 1.8فیصدکمی

مسلح افواج کا اقوام متحدہ کے 75 ویں یوم تاسیس پر نیک خواہشات کا اظہار

Published On 24 October,2020 04:27 pm

راولپنڈی: (دنیا نیوز) مسلح افواج کی جانب سے اقوام متحدہ کے 75 ویں یوم تاسیس پر نیک خواہشات کا اظہار کیا گیا۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی طرف سے سماجی رابطے کی ویب سائٹ پر پیغام لکھا گیا کہ پاکستان کے اب تک 2 لاکھ افسر اور جوان 28 ممالک میں 46 مشنز میں خدمات دے چکے ہیں۔

ڈی جی آئی ایس پی آر میجر جنرل بابر افتخار کی طرف سے مزید لکھا گیا کہ بین الاقوامی امن کے لئے پاکستان کے 158 افسروں اور جوانوں نے جانیں قربان کیں۔

افواجِ پاکستان کی اقوامِ متحدہ کےساتھ امن کیلئے خدمات کی ایک نمایاں اورطویل تاریخ ہے، پاکستان نے 30 ستمبر 1947ء کو اقوامِ متحدہ کے امن مشن میں شمولیت اختیار کی، اقوام متحدہ امن مشن میں شمولیت ایک نامور دور کا آغاز تھا جس کی تاریخ بے مثال ہے۔

پاکستان کا اقوامِ متحدہ کے امن مشن کا آغاز 1960ء میں کانگو میں اپنا پہلا دستہ تعینات کرنے سے ہوا پاکستان نے دُنیا بھر کے تقریباَ 28 ممالک میں 2لاکھ سے زائد افواج کے ہمراہ 46مشترکہ مِشنزمیں حصہ لیا۔

اقوامِ متحدہ کے امن مِشنز میں 157جوانوں بشمول 24افسران نے اپنی جانوں کا نذرانہ پیش کیا، اس سال نائیک محمد نعیم رضا شہید کو اَقوامِ مُتحدّہ کا خصوصی میڈل عطاء کیا گیا ہے۔

پاکستان اقوامِ متحدہ کے حوالے سے بہترین خدمات سر انجام دے رہا ہے، متعددعالمی رہنماؤں اوراقوام متحدہ قیادت نےعالمی سطح پرپاک فوج کی کارکردگی کو تسلیم کیا۔

پاکستانی خواتین بھی اقوامِ متحدہ امن مشن کانگو میں امن کے لئے سر گرم عمل ہیں، امریکی نائب معاون وزیرخارجہ ایلس ویلز بھی پاکستانی خواتین سے متاثر ہوئے بغیر نہ رہ سکے۔

ایلس ویلز نے امن کے لئے پاکستانی خواتین کے کردار کو سراہتے ہوئے کہا کہ پاکستانی خواتین کا کردار نہایت متاثر کن، امن کے لئے خدمات کلیدی ہے۔ اقوامِ متحدہ چھتری تلے تاحال83پاکستانی خواتین امن مشن کا حصہ ہیں پاکستان 19جون2019میں کانگو میں خواتین دستے تعینات کرنے والا پہلا ملک ہے۔