تازہ ترین
  • بریکنگ :- کوئٹہ اورلسبیلہ کےعلاوہ بلوچستان کے 32اضلاع میں بلدیاتی الیکشن
  • بریکنگ :- بلدیاتی انتخابات کےلیےبیلٹ پیپرزاورانتخابی میٹریل کی ترسیل کاعمل مکمل
  • بریکنگ :- پولنگ صبح 8بجےسےشام 5بجےتک بغیرکسی وقفےکےجاری رہےگی
  • بریکنگ :- کوئٹہ:7 میونسپل کارپوریشن،838یونین کونسلزمیں پولنگ ہوگی
  • بریکنگ :- کوئٹہ:5ہزار345دیہی وارڈاور9ہزار14شہری وارڈکےلیےپولنگ ہوگی
  • بریکنگ :- کوئٹہ:35لاکھ52ہزار298ووٹرز اپنا حق رائے دہی استعمال کریں گے
  • بریکنگ :- کوئٹہ:20لاکھ 6ہزار274مرداور15لاکھ46ہزار124خواتین ووٹرزہیں
  • بریکنگ :- کوئٹہ:32اضلاع میں 5ہزار226پولنگ اسٹیشنزقائم
  • بریکنگ :- کوئٹہ:2ہزار54پولنگ اسٹیشنزانتہائی حساس،ایک ہزار974حساس قرار
  • بریکنگ :- الیکشن میں16 ہزار195امیدوارمدمقابل،102 امیدواربلامقابلہ منتخب
  • بریکنگ :- کوئٹہ:پولنگ اسٹیشنزپرپولیس،لیویزاورایف سی کےجوان تعینات ہوں گے

نبی ؐ کی شان میں گستاخی کیخلاف مہم کی قیادت خود کروں گا: وزیراعظم عمران خان

Published On 30 October,2020 05:48 pm

اسلام آباد: (دنیا نیوز) وزیراعظم عمران خان کا کہنا ہے کہ نبی ؐ کی شان میں گستاخی کیخلاف مہم کی قیادت کروں گا، ہم اس معاملے پر تمام عالمی فورمز پر بات کریں گے۔ ۔مسلمان ممالک کو متحد ہو کر مغربی ممالک کو بتانا ہوگا کہ اس طرح کے اقدامات سے سوا ارب مسلمانوں کی دل آزاری ہوتی ہے، مسلم ممالک کی قیادت کو ایک ہونا پڑے گا۔

ان خیالات کا اظہار انہوں نے جمعہ کو عیدمیلادالنبی ﷺکے سلسلہ میں قومی رحمتہ اللعالمین ﷺکانفرنس کے اختتامی سیشن سے خطاب کرتے ہوئے کیا۔ کانفرنس کا موضوع ”ماحولیاتی آلودگی اور ہماری ذمہ داری“ تھا۔

وزیراعظم نے کہا کہ یہ کانفرنس ہر سال منعقد کی جائے گی، پاکستانی عوام بالخصوص نوجوانوں کو حضور اکرم ﷺکی حیثیت سے متعلق مکمل آگاہی دینی ہے۔ حضرت محمد ﷺکی سیرت طیبہ ہمارے لئے مشعل راہ ہے۔ حضرت محمد ﷺجیسا عظیم انسان آیا ہے اور نہ ہی آئے گا، دنیا کی سو عظیم شخصیات میں حضور اکرم ﷺکا پہلا نمبر ہے، اﷲنے قرآن پاک اور حضور اکرم ﷺکی زندگی کے ذریعے ہمیں راہ دکھائی۔

انہوں نے کہاکہ ماضی میں ہم نے مستقبل کی منصوبہ بندی نہیں کی جس کے ماحولیاتی صورتحال پر اثرات مرتب ہوئے ہیں، ہمارے خطے میں ماحولیاتی صورتحال سنگین ہے، گرمی کی شدت کے باعث گلیشیئر پگھل رہے ہیں، موسمیاتی تبدیلی کی وجہ سے منفی اثرات مرتب ہو رہے ہیں۔

عمران خان نے کہاکہ مسلمانوں نے قوت ایمانی کے باعث کامیابی حاصل کی۔ ان کی زندگی ہمارے لئے مشعل راہ ہے، یہ انقلابی دور تھا جس میں اقلیتوں کو بھی حقوق حاصل تھے۔ ملک میں ساتویں سے نویں کلاس تک سکولوں میں حضور اکرم ﷺکی سیرت طیبہ کی تعلیم کیلئے قانون سازی کریں گے۔ سیرت طیبہ کی پیروی سے ہماری زندگی میں بہتری آئے گی۔او آئی سی کے سربراہان مملکت کے اجلاس میں اسلاموفوبیا کا معاملہ اٹھایا، انہیں اس معاملے پر اتفاق رائے سے آواز اٹھانے کا مشورہ دیا۔

وزیراعظم کا کہنا تھا کہ مغرب میں رہنے والے حضرت محمد ﷺکے ساتھ ہمارے تعلق سے آگاہ نہیں، ہم اﷲ کے تمام پیغمبروں کا ادب و احترام کرتے ہیں۔سلمان رشدی کی کتاب کے خلاف مسلمانوں نے آواز اٹھائی، مغرب میں یہ تاثر لیا جاتا ہے مسلمان اظہار رائے کی آزادی کے خلاف ہیں اور تنگ نظر ہیں۔ اس حوالہ سے منظم مہم چلائی گئی۔

ان کا کہنا تھا کہ مغرب کا ایک چھوٹا سا طبقہ اسلام کے خلاف ہے، مسلمانوں کو برا دکھانا چاہتے ہیں، ہمیں مغربی ممالک کو حضرت محمد ﷺکے ساتھ اپنے لگاو سے آگاہ کرنا چاہئے۔ یورپی ممالک میں ہولوکاسٹ پر بات نہیں کی جا سکتی، ہمیں ایسی کوئی بات نہیں کرنی چاہئے جس سے دوسروں کی دل آزاری ہو، دنیا میں سوا ارب مسلمان ہیں، اسلاموفوبیا کے معاملے پر دنیا کے تمام ممالک کے ساتھ رابطے کروں گا۔

وزیراعظم کا کہنا تھا کہ افغانستان، شام، عراق میں لاکھوں مسلمان شہید ہوئے، حضور اکرم ﷺکی بے حرمتی کسی صورت قبول نہیں کریں گے، تمام مسلمان ممالک کو اس حوالے سے خطوط لکھے ہیں۔ اس طرح کی صورتحال میں مغربی ممالک میں مقیم مسلمانوں پر زندگی تنگ ہو جاتی ہے، امت مسلمہ کے تمام رہنماوں کو یورپی یونین اور مغربی ممالک کو بتانا چاہئے کہ ہم اظہار رائے کی آزادی کے خلاف نہیں تاہم توہین آمیز خاکوں سے سوا ارب مسلمانوں کے جذبات مجروح ہوئے ہیں۔پاکستان ایک نظریہ کے نام پر بنا ہے، ہم نے اسے ریاست مدینہ کی طرز پر اسلامی فلاحی ریاست بنانا تھا، یہ ہمارا وژن اور نظریہ تھا ،پاکستان ترقی کی راہ پر گامزن ہے۔

وزیراعظم عمران خان نے سیرت النبی ﷺپر مقالے، کتابیں لکھنے والے مصنفین میں انعامات بھی تقسیم کئے۔ کانفرنس میں وفاقی وزرائ، مختلف ممالک کے سفیروں اور مختلف مکتبہ ہائے فکر سے تعلق رکھنے والے علماءکرام نے شرکت کی۔ کانفرنس کے اختتامی سیشن سے صدر مملکت ڈاکٹر عارف علوی نے بھی خطاب کیا