تازہ ترین
  • بریکنگ :- وزیراعظم کا عمران خان کےمریم نوازسے متعلق بیان پر ردعمل
  • بریکنگ :- مریم نوازکیخلاف زبان درازی پر خواتین سمیت پوری قوم مذمت کرے،شہبازشریف
  • بریکنگ :- کم ظرفی کےاظہار سے عمران خان کےجرائم چھپ نہیں سکتے،وزیراعظم
  • بریکنگ :- ایک جماعت کےسربراہ کےطور پر بدتہذیبی کےپاتال میں جاگراہے،شہبازشریف
  • بریکنگ :- قوم بنانے نکلےتھے اورقوم کےاخلاق کوہی بگاڑدیاہے،شہبازشریف

خیبرپختونخوا اسمبلی کے ڈپٹی سپیکر محمود جان کورونا وائرس کا شکار ہوگئے

Published On 14 November,2020 10:26 am

پشاور: (دنیا نیوز) خیبر پختونخوا اسمبلی کے ڈپٹی سپیکر محمود جان کورونا وائرس کا شکارہوگئے۔ اہلیہ اور بیٹے میں بھی وائرس کی تصدیق ہوگئی۔

ڈپٹی سپیکر خیبرپختونخوا اسمبلی محمود جان کے مطابق ٹیسٹ مثبت آنے پر گھر پر قرنطینہ کرلیا ہے۔ ڈپٹی سپیکر کی جانب سے عوام سے صحت یابی کیلئے دعا کی اپیل کی گئی ہے۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 17 افراد جاں بحق ہوگئے، جس کے بعد اموات کی تعداد 7 ہزار 109 ہوگئی۔ پاکستان میں کورونا کے تصدیق شدہ کیسز کی تعداد 3 لاکھ 54 ہزار 461 ہوگئی۔

گذشتہ 24 گھنٹوں کے دوران 2 ہزار 165 نئے کیسز رپورٹ ہوئے، پنجاب میں ایک لاکھ 9 ہزار 309، سندھ میں ایک لاکھ 53 ہزار 873، خیبر پختونخوا میں 41 ہزار 723، بلوچستان میں 16 ہزار 328، گلگت بلتستان میں 4 ہزار 434، اسلام آباد میں 23 ہزار 533 جبکہ آزاد کشمیر میں 5 ہزار 261 کیسز رپورٹ ہوئے۔

ملک بھر میں اب تک 48 لاکھ 81 ہزار 640 افراد کے ٹیسٹ کئے گئے، گذشتہ 24 گھنٹوں کے دوران 34 ہزار 535 نئے ٹیسٹ کئے گئے، اب تک 3 لاکھ 22 ہزار 414 مریض صحتیاب ہوچکے ہیں جبکہ ایک ہزار 316 مریضوں کی حالت تشویشناک ہے۔

پاکستان میں کورونا سے ایک دن میں 17 افراد جاں بحق ہوئے جس کے بعد وائرس سے مرنے والوں کی تعداد 7 ہزار 109 ہوگئی۔ پنجاب میں 2 ہزار 462، سندھ میں 2 ہزار 722، خیبر پختونخوا میں ایک ہزار 305، اسلام آباد میں 253، بلوچستان میں 155، گلگت بلتستان میں 93 اور آزاد کشمیر میں 119 مریض جان سے ہاتھ دھو بیٹھے۔