راولپنڈی: (دنیا نیوز) آرمی چیف قمر جاوید باجوہ سے کمانڈر قطر امیری ائیرفورس نے ملاقات کی جس کے دوران باہمی تعلقات کے علاوہ پیشہ وارانہ امور اور سکیورٹی صورتحال پرتبادلہ خیال کیا گیا۔
آئی ایس پی آر کے مطابق آرمی چیف جنرل قمر جاوید باجوہ نے ملاقات کے موقع پر کہا کہ پاکستان قطر کے ساتھ تعلقات کو خصوصی اہمیت دیتا ہے، دفاع اور سلامتی کے شعبوں میں تعاون کو مزید فروغ دینا چاہتے ہیں۔
میجرجنرل سلیم حماد عقیل النابط نے علاقائی امن کیلئے پاک فوج کے کردارکی تعریف کی اور قطری افواج کی تربیت کیلئے تعاون کو سراہا۔
