تازہ ترین
  • بریکنگ :- ایم پی اےاشرف رسول نےسیکرٹری پنجاب اسمبلی ودیگرکیخلاف مقدمہ درج کرادیا
  • بریکنگ :- سیکرٹری کوآرڈینیشن عنایت اللہ اورڈی جی پارلیمانی اموررائےممتازبھی نامزد
  • بریکنگ :- لاہور: مقدمہ تھانہ شاہدرہ میں درج کروایا گیا
  • بریکنگ :- گزشتہ روز5افراد گاڑی پرمیرے گھر آئے، ایف آئی آر کا متن
  • بریکنگ :- عنایت اللہ ،رائےممتازاور2نامعلوم افراد میرے گھر میں داخل ہوگئے،متن
  • بریکنگ :- محمدخان ،عنایت اللہ ،رائے ممتاز نے مجھ پر پستول تان لیا،متن
  • بریکنگ :- محمد خان نے کہاکہ آپ میرا پیچھا چھوڑ دیں، ایف آئی آر کامتن
  • بریکنگ :- محمدخان نےدھمکی دی مخالفت سےبازنہ آئےتوجان سےماردوں گا،ایف آئی آر
  • بریکنگ :- دیگرچاروں ساتھیوں نے بھی سنگین نتائج کی دھمکی دی،متن
  • بریکنگ :- من پسند افرادکی بھرتیوں پرمیں نےپنجاب اسمبلی میں آوازبلند کررکھی ہے،متن

وزیراعلیٰ پنجاب سے عاصم سلیم باجوہ کی ملاقات، سی پیک منصوبوں پر تبادلہ خیال

Published On 24 November,2020 10:17 am

لاہور: (دنیا نیوز) وزیراعلیٰ پنجاب سے لیفٹیننٹ جنرل ریٹائرڈ عاصم سلیم باجوہ نے ملاقات کی ہے جس میں پنجاب میں سی پیک کے تحت جاری منصوبوں پر پیشرفت پر تبادلہ خیال کیا گیا۔

وزیراعلیٰ پنجاب اور لیفٹیننٹ جنرل ریٹائرڈ عاصم سلیم باجوہ کی ملاقات میں لاہور میں سی پیک ٹاور بنانے کی تجویز پر اتفاق کیا گیا، سیڈ ڈویلپمنٹ اور زرعی شعبہ سے متعلقہ ریسرچ کو فروغ دینے کیلئے مربوط اقدامات اٹھانے کا فیصلہ کیا گیا ہے۔

اس موقع پر عثمان بزدار کا کہنا تھا سیڈ ڈویلپمنٹ اور دیگر زرعی تحقیقاتی مقاصد کیلئے 13 ہزار ایکڑ اراضی استعمال کی جائے گی، سی پیک ٹاور میں صنعتکاروں اور سرمایہ کاروں کیلئے انفارمیشن ڈیسک بنائے جائیں گے، پاکستانی تاجروں اور صنعتکاروں کو چینی انڈسٹریز سے متعلق معلومات ایک ہی چھت تلے میسر ہوں گی، چین کے سرمایہ کاروں کو پنجاب میں انڈسٹری لگانے میں ہر ممکن معاونت کریں گے۔

وزیراعلیٰ عثمان بزدار نے کہا کہ پنجاب میں بیرونی سرمایہ کاروں کو تحفظ، سہولتیں اور رعائتیں فراہم کی جائیں گی، صنعتی پلاٹوں کی الاٹمنٹ کیلئے قواعد و ضوابط اور ٹرانسپیرنسی کو ملحوظ خاطر رکھا جائے، صنعتی ترقی کیلئے رہنما اصولوں پر پوری طرح عملدرآمد یقینی بنایا جائے، صنعتکاروں کے مسائل کے حل کیلئے قابل عمل تجاویز پیش کی جائیں، صنعتی ترقی کیلئے ریگولیشن کو جلد از جلد حتمی شکل دی جائے، سی پیک سے پاک چین تعلقات کو نئی جہت ملیہے۔

عاصم سلیم باجوہ کا کہنا تھا کہ سی پیک منصوبہ پاکستانی معیشت کے استحکام کے لئے خصوصی اہمیت رکھتا ہے، سی پیک منصوبوں پر کام کی رفتار کو مزید تیز کیا گیا ہے، زرعی شعبے میں گروتھ کے بے پناہ مواقع ہیں، زرعی شعبے میں چین کے تجربے اور مہارت سے استفادہ کریں گے، سی پیک پراجیکٹس کی تکمیل سے پاکستانی معیشت مضبوط ہوگی۔