لاہور: (دنیا نیوز) گورنر پنجاب چوہدری محمد سرور نے کہا کہ پاکستان میں سکھوں سمیت تمام اقلیتوں کو مکمل مذہبی آزادی حاصل ہے۔
گورنر پنجاب سے ایم پی اے سردار مہندر پال اور دیگر نے ملاقات کی، چوہدری محمد سرور نے سکھ برادری کو بابا گرونانک کے جنم دن پر مبارکباد دی۔ گورنر پنجاب چوہدری محمد سرور کا کہنا تھا کہ پاکستان میں سکھ سمیت تمام اقلیتوں کو مکمل مذہبی آزادی ہے۔ بھارت میں مودی کی نگرانی میں اقلیتوں کا قتل عام ہو رہا ہے، کرتارپورراہداری منصوبہ بھارت کو آج تک ہضم نہیں ہو رہا۔ آر ایس ایس اورنریندر مودی کا ایک ہی مشن ہے جو امن کیلئے تباہ کن ہے۔
چوہدری محمدسرور نے کہا کہ پاکستان اقلیتوں کیلئے دنیا کا محفوظ ترین ملک بن چکا ہے۔ حکومت سکھ یاتریوں کو سکیورٹی سمیت تمام سہولتیں دے رہی ہے، ہم قائداعظم کے ویژن کے مطابق اقلیتوں کو تحفظ دے رہے ہیں۔
