تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 17 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 269 ہوگئی
  • بریکنگ :- 24 گھنٹےکےدوران 44 ہزار 831 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 720 کیس رپورٹ،این سی اوسی
  • بریکنگ :- ملک میں کورونامثبت کیسزکی شرح 1.60 فیصدرہی،این سی اوسی

لاہور: 55 مقامات سمارٹ لاک ڈاؤن کے تحت بند، شہریوں کی آمدورفت محدود

Published On 08 December,2020 11:34 pm

لاہور: (دنیا نیوز) کورونا سے بچاؤ کے لئے لاہور کے مزید علاقوں میں سمارٹ لاک ڈاؤن لگ گیا۔ شہر کے 55 مقامات سمارٹ لاک ڈاؤن پالیسی کے تحت بند، شہریوں کی آمدورفت کو محدود کر دیا گیا۔

تفصیل کے مطابق کورونا کیخلاف حکومت کی جانب سے احتیاطی تدابیر اختیار کرتے ہوئے لاہور کے مزید 55 مقامات پر سمارٹ لاک ڈاؤن نافذ کر دیا گیا ہے۔ اس سلسلے میں محکمہ پرائمری اینڈ سیکرٹری ہیلتھ کیئر نے نوٹیفکیشن جاری کر دیا ہے۔

متاثرہ علاقوں میں تمام شاپنگ مالز، ریسٹورنٹ، نجی اور سرکاری دفاتر بند رہیں گے۔ علاقہ مکینوں کی نقل وحمل محدود کر دی گئی ہے، صرف انتہائی ضرورت پر ایک فرد ایک سواری استعمال کر سکے گا۔

ہر قسم کے اجتماعات اور میٹنگز پر بھی مکمل طور پر پابندی لگا دی گئی ہے۔ تمام میڈیکل سروسز، فارمیسی، میڈیکل سٹور، لیبارٹریاں، کولیکشن پوائنٹس اور کلینکس کھلے رہیں گے۔ اس کے علاوہ دودھ کی دکانیں، چکن، گوشت، مچھلی کی دکانیں اور بیکریاں صبح 7 بجے سے شام 7بجے تک کھولنے کی اجازت ہے۔

متاثرہ علاقوں میں داتا گنج بخش ٹاؤن سٹریٹ نمبر 13 اور 16، گلی بدر دین چوک ٹیمپل روڈ مزنگ، 7 اے زبیدہ پارک، مولانا مودودی سٹریٹ اچھرہ، گلی نمبر 8 مکان نمبر 17 محمدی پارک، شالیمار ٹاؤن میں مکان نمبر 11، گلی نمبر 2 سلطان پورہ، مدینہ کالونی چوک، مکان نمبر 250 سے 285 جی بلاک گلشن راوی، گلی نمبر 218 سے 323 مہرہ شریف بند روڈ، مکان نمبر 153 سے 453 گلشن بلاک، مکان نمبر 21 سے 98 نیلم بلاک اقبال ٹاؤن، آصف بلاک، رضا بلاک، سکندر بلاک، راوی بلاک اور نشتر بلاک شامل ہیں۔

سیکرٹری پرائمری اینڈ سکینڈری ہیلتھ کیئر کیپٹن ریٹائرڈ محمد عثمان کے مطابق گروسری سٹورز، جنرل سٹورز، آٹا چکیاں، فروٹ، سبزی کی دکانیں، تنور اور پٹرول پمپس صبح 9 بجے سے شام 7بجے تک کھلے رہیں گے۔