پاکستان
خلاصہ
- سرینگر: (دنیا نیوز) مقبوضہ کشمیر میں بھارت کا ظلم جاری ہے۔ غاصب فوج نے ضلع پلواما میں 2 کشمیری نوجوانوں کو شہید کر دیا۔ ضلع بارہ مولا میں گرنیڈ بلاسٹ میں 6 افراد زخمی بھی ہوئے۔
ضلع پلواما کے علاقے ٹکن میں قابض فوج نے نام نہاد سرچ آپریشن کے دوران کشمیری نوجوانوں کو فائرنگ کر کے شہید کیا۔ ایک شخص زخمی بھی ہوا، علاقے میں انٹرنیٹ اور موبائل سروس بند کر دی گئی۔
ادھر ضلع بارہ مولا میں گرنیڈ بلاسٹ سے 6 افراد زخمی ہو گئے۔ کشمیریوں نے ظالمانہ کارروائی پر بھارت کے خلاف احتجاج کیا۔
